平井堅靚聲回饋港迷

日本「靚聲王」平井堅前晚在apm商場舉行新碟《JAPANESE SINGER》的亞洲發布會，逾800人企滿商場各層觀看。他先以廣東話打招呼，再以英語跟上層粉絲開玩笑：「唔好跌落嚟！」唱片公司頒贈金咪獎座給平井堅，祝賀他在港發行的唱碟獲6白金銷量。平井堅完美演繹《夢之彼岸》、《真愛歲月》及《閉上眼睛》三首歌，令全場拍爛手聲，他自言平日經常飲酒，但為保靚聲，會多飲水及不吸煙，又表示希望再度來港開騷。經歷日本3．11大地震後，他感受到人類脆弱的一面，但仍相信日本充滿希望。

平井堅以靚聲演繹歌曲冧粉絲。