港男(12)林志勇 「屯青」長跑谷體能
十二位候選香港先生昨日到尖沙咀出席記者會。曾參演《3D肉蒲團之極樂寶鑑》的(1)蕭家浩自我介紹時騰雞甩嘴：「我有少少亂。（拍三級片講粗口定啲？）我記得拍戲時冇講，可能後期配音替我講！」至於參賽者中年紀最大、現年31歲的(12)「翻版黃長興」林志勇，席上突然《B+偵探》張兆輝上身，不停敬禮勁搞笑，他說：「我試過由屯門跑去青衣，體能唔成問題。」早前因跨欄過馬路仆傷口鼻的(10)「o靚版池珍熙」李晉強，傷痕仍然明顯，他說：「下次唔會踢拖跨欄！（亂過馬路好危險？）下次唔會！」
