陳嘉桓遭掃褲邊 阿佘收肉嘴

佘詩曼與陳嘉桓前晚出席眼鏡派對,竟被品牌設計師戲弄!阿佘遭搭香肩又突然被錫面,她承認沒有想過對方如此熱情而窒了一窒。

國際眼鏡品牌alain mikli前晚於中環舉行派對,設計師Mr. Alain Miklitarian重臨香江,一見靚女嘉賓即發揮熱情本色,大合照時突然出其不意「掃」陳嘉桓的短褲邊,嚇得她即時縮開。事後問到對方的熱情舉動時?陳嘉桓說:「我上台前已經有人提點我,話佢個人好貪玩,合照時都感覺到佢隻手輕輕掂到我褲邊,我本能下即時縮一縮,但佢見我咁有Say Sorry。(介意佢咁熱情?)我諗外國人係比較熱情啲,以後都小心啲!」

李璨琛多咗師奶Fans

Alain在台上還不時整蠱佘詩曼,例如失驚無神搭香肩,還趁不為意之際突然錫她面頰一下,嚇到阿佘也窒了一窒!事後,她表示未有想過對方會如此熱情招待:「佢都冇做乜嘢,係表現Friendly。」還透露月底將接拍戚其義新劇,陣容包括陳豪、黃德斌與金剛等,拍畢便返內地拍劇。問到是否每年為TVB拍一部劇?她說:「至少一套,但劇本好同合作班底開心,都唔止一部o架!」阿佘還對擔正的劇集《花花世界花家姐》結局充滿信心,但不會相約同劇演員吃飯睇結局:「阿峯(林峯)都要開工!」

至於李璨琛擔任壓軸模特兒,問到與謝霆鋒是否老友?他即說:「唔好講咁多啦!」及後轉話題指因新劇《怒火街頭》而多了一班師奶Fans:「佢哋主動同我打招呼,我覺得好親切同開心!」經常演警員與蠱惑仔的他表示,能參演該劇是難得機會,最想演反派:「以我嘅尊容應該好有新鮮感!」

名人組

陳嘉桓遭品牌設計師掃褲邊,嚇得她即時縮一縮。

佘詩曼被品牌設計師又摸面又錫,但未有介意其熱情舉動。