驚聞烈女以死相逼 祖兒：咁爆炸！
前晚容祖兒盛裝出席《Chanel J12 Chromatic腕錶發布會》，對於有傳聞指張栢芝疑以死要脅謝霆鋒不要離婚，她聞言後大感驚訝：「咁驚？咁爆炸！（覺得栢芝為人點？）係人都知佢烈！」不過，她相信栢芝不會自殺：「佢係大人，唔會咁做！」剛從馬來西亞拍攝廣告返港的她透露，沒有特別抽空探霆鋒，不想騷擾對方，但有透過助手問候：「朋友之間，佢知我有心就得！」她認為有關二人的婚變傳言有太多版本，內容天天不同：「我希望佢哋雨過天青，唔好離婚！開心生活先有動力去做嘢！希望佢哋和好如初！唔好再有唔開心嘅新聞！」
同場的陳偉霆則表示近日希望與女友蔡卓妍（阿Sa）去一個陽光與海灘的地方度假，為了保護阿Sa，他不希望女友被狗仔隊影到，所以擔心被狗仔隊偷拍：「就算自己一個人住又或者係兩個人，都要拉窗簾！」
祖兒出席活動，與陳偉霆及詩雅齊齊預祝生日。
Ana R.低胸上陣，非常性感！