好友Eric：冇可能做和事老
最近盛傳鋒芝婚變，身為霆鋒好兄弟的Eric Kwok，昨日出席手機活動時，開腔力撐鋒芝只是鬧小交：「我唔覺佢哋有事！每對夫婦都會鬧交，維繫一段婚姻要經歷好多嘢同心機，今次係好小事！」問到其女友葉佩雯近日是否日夜陪伴栢芝？他說：「佢哋成日都一齊，係好好朋友，所以明白晒兩邊嘅古仔，咁樣先更加無奈！聽完一邊，再聽另一邊又覺得有道理！（做和事老？）冇可能，等佢哋自己解決！」對於有指栢芝狂搶霆鋒物業？他則說：「佢兩公婆點用錢絕對係佢哋嘅事，最擔心冇錢使！」
梁漢文望衝破難題
至於梁漢文昨日與張家輝出席另一活動時，強調不想多加意見：「我覺得朋友比見報更重要，希望佢哋冇事，有咩難題都可以解決同衝破！」
Eric認為鋒芝今次是小事，並指女友葉佩雯經常陪栢芝。
梁漢文（左）與張家輝望好友衝破難題，雨過天青。