焯皓出碟悼恩師
樂壇新人焯皓（Alan）首張個人專輯《On Air》日前正式面世，他既興奮又感慨地說：「籌備唱片時戴思聰老師仲未去世，佢經常好緊張問我錄音進度同畀好多意見我。今日同老師已經陰陽相隔，唔可以親手將專輯送畀佢，不過我會帶埋隻碟去佢墓前拜祭，希望佢在天之靈見證我嘅努力。」
在唱片見街的前一晚，Alan說：「當晚好緊張，所以失眠。」翌日他便獨自到唱片舖視察行情，豈料到達時人山人海，因為他的一班唱歌師兄弟為祝賀他，一早便前來恭候Alan的來臨。除即場購下數十張唱片及要求簽名支持外，還送上金牌預祝他唱片大賣，Alan說：「佢哋咁有心，真係好感動。」
Alan（右二）到達唱片舖時大受歡迎。
師兄弟送上金牌，焯皓十分感動。