王淑玲口福之樂代價「重」

無綫藝員王淑玲近來因主持飲食節目《街坊廚神》而人氣急升，連家人、朋友都紛紛向她請教飲食攻略，不過喪食要付出代價，增磅不少的她要實行一連串減肥大計！

王淑玲（Vanko）直言自己是「大食積」，只要有得食就算增磅都冇所謂，主持飲食節目對她來說可謂手到拿來：「其實都幾輕鬆，最緊要識評啲嘢好唔好食，我喺個節目入面所有評語都真情流露，絕無造假！」

升呢為飲食專家後，不少親友也叫Vanko介紹美食：「因為個節目我真係食勻全港九，每次食到啲真係好正嘅嘢，一定會周圍推介畀朋友食！」

小儀送氫氣球

拍攝《街坊廚神》期間，Vanko食量大增，現正密謀請教節目中兩位「大隻仔」溫家偉及李善恒減肥方法：「我想同佢哋一齊去健身，免費做我私人教練！」食嘢大過天的她惟有靠做運動減肥，叫她忍口則絕無可能！

Vanko跟小儀及金剛亦打成一片，早前小儀更送給她最愛的Hello Kitty氫氣球，Vanko說：「其實識我嘅人都知我係Hello Kitty嘅同義詞，有次小儀喺電台節目訪問一個扭氣球嘅師傅，特別留咗個Hello Kitty氫氣球畀我！依家我哋都諗住成班人約出去船P曬太陽！」