樂壇新人梁佑嘉（Abella）年初推出的大碟反應不俗，現已開始準備第二張大碟，下月更會到韓國錄音、學舞，她說：「最近成日要去內地做嘢宣傳，啱啱喺廣州返嚟，執執吓嘢搞到3、4點，之後5點又要起身做嘢，瞓得25分鐘，希望遲啲去韓國有時間偷閒吓！」
Abella笑言今次到韓國絕非為整容，只是想向當地藝人學習：「好鍾意BoA，佢唱得跳得，仲殺入日本市場，好勁！（有冇睇韓劇學戲？）韓劇比較悲情，唔係好啱我。」她又表示喜歡韓國美食，屆時便可盡情大快朵頤。
梁佑嘉將赴韓國學藝，為新碟作準備。
