盧凱彤獻Sing誘台灣學生哥
組合at17各自發展後，盧凱彤（Ellen）於本月17日將推出個人國語碟《掀起》，她坦言今次是針對中台市場，早前她以單曲《雀斑》在台灣小試牛刀，被台灣傳媒形容為「陳奕迅御用女結他手」的她說：「真係一種光榮，Eason幫咗我好多，仲畀時間我喺佢個騷獨唱，佢真係好豁達！」Ellen早前走遍台灣校園，喜獲大批學生欣賞：「我烈日當空就咁唱，佢哋自自然然會圍埋嚟聽，之後買你隻碟。試過一日賣七十隻，廿幾場加埋賣出好多，有次唱完準備走，幾個歌迷創作咗首廣東歌畀我，真係感動到喊！」她擔心結他手工作令自己變得對音樂麻木，考慮完成Eason、容祖兒及黃耀明的巡迴演出後，專心籌劃自己的音樂事業，並計劃下月22至24日於壽臣劇院搞音樂會，暑假則推出攝影集。
Ellen成功於台灣吸納一班學生粉絲。