G.E.M.認渺小劃清界線

歌星陳偉霆及鄧紫棋（G.E.M.）等前晚錄影無綫節目，這是G.E.M.自演唱會後首次公開露面，對於男友林宥嘉是否出新碟，她笑說：「我唔知喎！我都唔係佢Fans！」

前晚G.E.M.與陳偉霆、洪卓立及陳蕊蕊等錄影《勁歌金曲》，休息長達三周的G.E.M.容光煥發，問到假期有否外遊找男友？她說：「我頭嗰個星期病咗呀！可能因為食得太多日本烤肉，搞到喉嚨生咗四粒痱滋！（去旅行？）病咗冇得去。（佢嚟搵你？）我唔知佢得唔得閒喎！」談到林宥嘉早前出新碟，G.E.M.即刻意劃清界線：「我唔係佢Fans，冇Follow佢啲嘢喎！人哋有萬千觀眾，我呢啲好渺小啫！」

陳蕊蕊造型似GaGa

至於曾任「美味天使」的陳蕊蕊「重新出發」，以一身露背誇張打扮到場，她說：「我鍾意試新鮮嘢，今次係走型格啲嘅路線，可能下次會性感啲！」但她否認造型抄襲Lady GaGa，澄清這是設計師為她度身設計。

而洪卓立透露會在節目中獻唱冠軍歌《藍色星球》，更多謝填詞人王祖藍：「呢首歌嘅詞改咗三、四個星期先開始錄，改咁多次都覺得麻煩咗祖藍！依家歌詞係多咗鼓勵性。」