陳彥行自信有叫座力與崔智友睇齊

韓國女星崔智友與香港演員陳彥行早前分別以亞洲區及中國區代表身份，出席上海舉行的美容博覽活動，擔任美容產品代言宣傳，行姐更打頭陣演出贏頭威。

早前上海舉行美容博覽活動，崔智友與陳彥行分別以產品代言人身份出席，當日崔智友因航班延誤，未能趕及活動開幕，其開幕演出臨時改由原本壓軸出場的陳彥行負責，行姐坦言心情緊張：「因為有一段時間都冇劇喺內地播，有啲擔心觀眾唔係好識自己，點知一出場，佢哋都好熱情，原來我都好有叫座力，信心返晒嚟！」

睇韓劇觀摩演技

崔智友及後到場，會合行姐齊齊主持祝酒儀式，兩人惺惺相惜，並以英語互相問好。據行姐透露，稍後她將與崔智友合作推出美容產品，希望開拓美容之路。

首次見韓劇天后，行姐對崔智友讚不絕口：「佢好高、皮膚好白，其實我都係佢擁躉，早年喺內地修讀演藝課程嗰陣，都有煲韓劇，崔智友嘅名作《天國的階梯》我都有睇，喊濕幾個枕頭，另外一套《藍色生死戀2》都係，佢嘅演出好賺人熱淚，我哋做演員都會互相觀摩吓嘅。」