劉美君翻唱男Sing呻難洗底

劉美君的國語發燒碟即將面世，但她今次獨力挑戰一眾「男聲」，翻唱十首男歌手的經典金曲，而錄音時因王傑的影子太深，令她非常痛苦！

即將推出的國語發燒碟的劉美君（Prudence），翻唱十首男歌手的經典作品，坦言唱翻唱歌亦有難度：「唱翻唱歌最大嘅難度係會先入為主，但驚咁多嘢咪好多嘢都唔使做？人生會冇晒樂趣！」她笑言今次翻唱多首作品後定為不少女士帶來方便，因唱K時不用再轉Key。

冇打算開紀念騷

雖然十首翻唱歌各有難度，但Prudence直指翻唱王傑的《一場遊戲一場夢》最痛苦：「痛苦唔係因為高難度，而係因為王傑嘅影子實在太深，好難擺脫！我好辛苦唱咗2、3個Take先可以『洗走』佢把聲同唱腔！」而李泉的《走鋼索的人》是最難唱，除了因未有聽過外，歌曲中最低及最高的音分瓶亦較大，所以她也怕會處理不到，但出乎意料之外很快便錄起那首歌，亦是自覺唱得最好的一首。

談及今次的唱片封套，Prudence亦作出新嘗試，靈機一觸找來愛拍照的杜汶澤操刀拍攝封套：「當年我係佢年少時嘅頭號偶像，有朝早我又睇到佢放上微博啲相，就問佢想唔想幫我影，佢即刻答應！」起初Prudence不知阿澤的水準，但深信他擁有的一份熱情，問到作品最後是否超水準，她不禁激讚阿澤的照片是個個都Like：「影相最緊要係捕捉嗰一刻嘅感覺，而阿澤就做到，我夠膽話張相係人見人愛，又靚又有感覺，個個朋友睇過都Like到飛起！」雖然今年適逢入行廿五周年，但Prudence表示未有計劃開演唱會作紀念，除了因未有這想法外，亦不想為做而做。