Baby喊唔出隊酒催淚

與影后徐帆合作新片的Angelababy為拍攝喊戲，自言難以落淚的她惟有飲酒催淚，但拍畢仍未能控制情緒，繼續喪喊。

潮模Angelababy轉戰電影界後密密開工，在新片《全球熱戀》中更拍住影后徐帆，令Baby大呼緊張！她表示在開拍前未能好好地揣摩角色，最後靠夏永康導演指點，令自己了解更多，Baby說：「拍嘅時候冇壓力，反而拍之前就有心理壓力，驚做得唔好，但個壓力喺拍嘅過程中宣洩晒。」提到在片中有喊戲，難以落淚的她自言是個大挑戰：「如果要拍傷感嘅戲，全日都會好低落，試過有一場大喊嘅戲，飲少少酒會喊得好勁，所以嗰日試咗飲少少，拍完之後返酒店，再喊多半個鐘。（拍咀戲飲酒壯膽？）咁又唔使，嗰啲容易啲。」

睇帶提升演技

徐帆在片中飾演Baby的母親，Baby指首次接觸對方是看其電影，在其作品中認定對方是個善良的媽媽。今次能與好戲之人合作，所以她拍攝前已做足準備，避免拖慢進度，Baby說：「徐帆姐情緒好快爆滿，我又唔想拖慢進度，會提前好多做準備，例如早啲去片場對對白，如果係傷心嘅戲，早啲將情緒Turn Down。」她還表示兩人相處雖然時間不多，但翻看對方的拍攝片段，仍能從中學習演技。