Mr.撈過界闖影壇
今日是樂隊Mr.出道三周年，前晚他們與歌迷在麥當勞舉行派對預先慶祝，成員Dash說：「6月10號都係樂隊Beyond主音黃家駒生忌，意義好大。（滿意三年來成績？）託賴各方支持，踏入第四年先係真開始！」他們希望於未來日子能有更多不同類型合作，Alan說：「想出國語歌之外，公司好似計劃緊我哋向電影發展，但詳情未知。」
至於感情路上，惟承認有拖拍的Ronny表示波折能帶來創作靈感，而曾因護花捲入桃色糾紛的Alan，被問到與富家女有否聯絡？他說：「同好多朋友都有聯絡，呢兩日休息，搵番好多朋友傾偈。（有拍拖？）感情生活OK啦！舒服、爽呀！呢啲嘢反反覆覆啦！」另外，與緋聞女友Evelyn（蔡穎恩）傳分手的Tom表示專注工作，Dash更為對隊友護航：「佢一向專注工作，校長（譚詠麟）讚佢最有進步！（校長都感情生活豐富？）呢啲我哋唔知！」
Mr.與Fans開派對率先慶祝出道三周年。