Mandy Lieu遊埠冇仔陪

模特兒姚予晴（Mikki）與Mandy Lieu昨日出席林寶堅尼新車活動，Mandy表示早於一年前已在香港考獲車牌：「一Take過，仲係揸棍波添！我契媽話女仔如果識揸車會自由啲，同埋Powerful啲。」她透露稍後將會獨自到意大利旅遊：「依家冇男朋友，不過唔會覺得寂寞，感情順其自然啦！」而Mikki則表示希望明年跟拍拖多年的男友曾智超（Sunny）拉埋天窗：「暫時冇實際計劃，希望出年搞掂！我想做春天新娘，因為夏天好熱，睇工作決定。（唔趕住生BB？）最緊要做咗生BB之前嘅事先！同對方經歷咗好多嘢，發現原來對方係最適合自己，之前分開住過，依家已經一齊住番。（同Sunny之前被影到同薛芷倫出街有關？）完全唔關事。」

姚予晴（左）與Mandy Lieu齊騷長腿。