霆鋒閉關諗計反擊栢芝

備受婚變風波困擾的謝霆鋒，趁昨日不用開工，全日閉門與律師開會，務求掌握形勢！據知，拉姑身處新加坡，可隨時飛吉隆坡會合兒子商討對策。

自鋒芝傳出婚變後，備受困擾的霆鋒一直封嘴，專心在吉隆坡為英皇電影《逆戰》趕工。本報日前報道霆鋒已向張栢芝反擊，秘密急召律師飛往吉隆坡諮詢法律意見，詳細了解離婚得失、身家分配及撫養權問題。

傳栢芝帶子搬竇

適逢昨日霆鋒不用開工，據知他全日在酒店閉關與律師商討計策，以期盡快掌握形勢，並在今天開工前落實相關方案，然後收拾心情與安志杰繼續拍戲。一直默默力撐霆鋒的拉姑，據悉她已飛新加坡，可隨時轉往吉隆坡探望霆鋒。而霆鋒妹妹婷婷今天將啟程到當地，一家人可開閉門家庭會議商討對策。不過，謝賢被問到知否婷婷飛吉隆坡時，即封嘴拒答：「我好忙，唔講啦！」然後匆匆掛線；拉姑的電話則轉駁留言信箱；栢芝方面至截稿前未有回覆。

有傳栢芝已帶同兒子Lucas和Quintus搬離霆鋒租下的陽明山莊，秘密搬到四季酒店暫避。至於霆鋒和周杰倫前日為《逆》片拍攝一場追車逃亡場面時，驚險萬分，加上這場戲意外頻生，要NG多次才完成。

至於霆鋒經理人霍汶希不回應霆鋒急召律師一事：「只知佢放假，可以抖吓！（婷婷過去？）過去食餐飯。（佢哋部署離婚？）唔講喇！唔好影響霆鋒做嘢，佢好緊張部戲，套戲有好多危險動作，拍到月尾先完。（影響霆鋒工作時間表？）我幫佢排到出年，冇Delay嘅話會返港五天。（若然鋒芝離婚公司係咪支持？）呢個我當然唔想，結果係霆鋒意願，總之希望佢開心！（佢向你訴苦？）絕對冇！」此外，李丞責昨日批鋒芝婚變，指兩人面相均屬重情重義，但易有摩擦，不過若能度過此關口便有將來。