林峯歡迎霜霜踩場

兩日未眠的林峯昨日出席下月底舉行的個唱《LIGHT UP MY 'LIVE》記者會，以勁舞展開序幕及公布將舉行世界巡迴個唱，獲好友王祖藍撐場，還被無綫高層樂易玲踢爆因只能為記者會排舞3小時而扭計揼地，但亦被讚表現出色。將首次踏上四面台的他，揚言會跳碎紅館。由於一直受與舊愛潘霜霜床照事件影響，當他透露個唱將加強陽剛味大晒硬淨時，即被問到是否配合心情？他說：「可以咁講！（擔心事件影響銷情？）一開始係有！」提到另一緋聞女友陳嘉桓表示為免誤會拒支持其個唱，他表示公司有預留門票給圈中人，自己只留飛給親戚。至於會否擔心潘霜霜現身個唱？他大方地說：「講咗唔再答，歡迎每個真心入嚟睇嘅人！」

此外，陳嘉桓昨日出席旅遊活動時表示林峯沒有送飛，問到若果林峯送飛會否捧場？她說：「可能會同師兄（杜宇航）去睇囉！（林峯話唔敢愛？）我都唔敢愛，依家以事業為重，唔諗拍拖住。（驚咗林峯﹖）冇嘢驚！做好自己先。」