張家輝地獄式操肌暈足3次

首次飾演極度重犯的張家輝，於5個月內狂減10磅，日日做Gym操出鋼條身形的他，更自爆曾因地獄式特訓而在健身室連暈3次！

七料影帝張家輝與同屬影帝級人馬的任達華，齊齊演出《殺人犯》導演周顯揚的懸疑動作新片《大追捕》，將夥拍文詠珊及謝安琪等鬥戲。家輝挑戰極度重犯一角：「我喺5個月內狂減10磅，日日食雞肉同烚菜，真係食到囗寡寡兼乾爭爭！」為求練出鋼條身形，他笑言謝絕收看飲食節目，以免流口水：「每日諗起要去做Gym就想死！」

餓過飢狂食魚生

家輝又自爆曾因餓過飢而狂食魚生：「試過喺健身室連暈三次，仲有次餓到跑去健身室對面間日本料理店，當時日本大地震，福島又爆發核事故，但我都衝入去叫師傅每種魚切兩片魚生畀我，冇計啦！醫肚要緊！」

此外，忙到甩轆的家輝，前日偕《財神客棧》監製王晶現身新加坡電影節宣傳，順道出席該片首映。以型仔禮服示人的家輝，竟表示喜歡《財》片中的哨牙造型：「個造型帶畀好多人歡樂，我好鍾意！（點解再拍喜劇？）因為我呢世都避唔開王晶！哈哈！」而王晶於席間自我介紹時竟然自稱是導演王家衛，引得哄堂大笑！