Bosco剝剩Under通屋走

近日陳自瑤與王浩信被偷拍在寓所內親熱，圈中人人自危！不過黃宗澤昨日日揚言不愛拉窗簾，即使沖完涼都只着內褲通屋走，認真Open！

無綫藝員黃宗澤（Bosco）昨日出席活動時表示愛日照入屋，故很少拉窗簾，有時沖完涼更只着內褲通屋走。問到會否於家中親熱？他說：「人人都喺屋企親熱啦！唔通喺街咩？（親熱會拉窗簾？）正常都會，窗簾同拉鏈都要拉！（同杏兒親熱小心啲？）個個親熱都要小心！」他於法國酒莊擁有不少紅酒，都是透過外國經紀買，故無懼被騙。

「住幾高都唔開」

另一方面，Bosco的緋聞女友胡杏兒，昨日與鄭嘉穎及李璨琛等宣傳新劇《怒火街頭》，嘉穎爆杏兒是活動發起人，杏兒說：「我姐夫係區議員，反正套劇要做宣傳，不如同老人家玩仲有意義啦！」提到陳自瑤被偷拍，杏兒說：「佢哋都係做正常情侶做嘅事啫！不過我喺屋企都唔敢開窗簾，住得幾高都唔開！（Bosco話會着底褲通屋走！）哈哈哈！我唔會囉！我勸佢都唔好咁開放，偷拍無孔不入！（親熱要小心？）總之要拉窗簾！」

劇中飾演爛撻撻角色的嘉穎表示，演繹時毫無難度：「我最想挑戰演喜劇，做個喜劇演員！如果今次收視好，我會向監製建議用原班人馬拍部純喜劇！」