連詩雅見方大同家長 Alice B.水漬殺「峰」景
第四代Canon女模特兒Alice B.昨日與歌手連詩雅（Shiga）出席apm舉行的父親節活動，超性感上陣的Alice被發現服飾右胸位置出現離奇水漬，她解釋服裝是由大會安排，其經理人還開她玩笑，笑言並非漏奶，Alice說：「我好乾淨o架！唔關我事，其實做嘢成日會有呢啲情況，咪以笑帶過囉！（試過尷尬場面？）工作上又冇。」提到早前到泰國度假，Alice自爆狂擦美食，不料返港後肚痛兼頭痛：「好鍾意食生蝦，最後嗰日食咗成碟，返到嚟痛到自己喺床度喊。」
同場的Shiga憶述曾於父親節為爸爸下廚，但笑言廚藝不精，希望「進修」，問到會否找緋聞男友方大同試食？她即以同事作擋箭牌：「全公司都會試，但佢食素，會由甜品入手。（整過畀佢食？）之前情人節，第一次整朱古力有請佢食，嗰日成班同事睇騷，個個都有請，大同個媽咪都有食。」
連詩雅突然自爆情人節請方大同食朱古力，並已見過家長。
Alice B.的服裝胸前出現離奇水漬。
Alice B.輕按胸口，免洩春光。
連詩雅（右一）與Alice B.（左二）出席父親節活動。