鬧爆亂作搞許亦妮 周柏豪：衰11要坐監！
型男周柏豪被踢爆曾與應屆候選港姐(3)許亦妮拍拖，緋聞纏身的柏豪昨日愁眉苦臉的出席活動，他坦言與許亦妮只見過幾次，雖然相識十年，但從未見面及聯絡，他說：「當年大家有共同朋友，只見過佢兩、三次，之後冇再見面，連同佢同一間模特兒公司都冇合作同見面，真係好莫名其妙！（借你宣傳？）唔會咁諗人。」他承認最不開心是被指搞大對方個肚的失實報道：「真係好離譜！識佢嗰時，我十七歲，佢就得十四歲，如果係報道咁講，我即係衰十一要坐監，唔好亂咁作！」同場的薛凱琪則大呻再有藝人被偷拍在家中照片：「希望政府可以立例，傳媒要尊重同保護藝人！」此外，許亦妮昨日在微博向朋友致歉：「因為我們的一些合照而被誤會我們是情侶。」
周柏豪澄清與許亦妮沒有拍拖。
許亦妮
薛凱琪知道有藝人在家遭偷拍，感同身受。