子孫先係一家人四哥轉軚唔撐新抱

自傳出鋒芝婚變消息後,謝賢(四哥)一直力撐栢芝是好新抱,還稱她是「謝家之光」,但昨日態度明顯有轉變,記者致電四哥問到有關栢芝與拉姑嗌大交傳聞,他說:「冇聽過。(仲係咪好似以前咁撐栢芝?)佢初初畀我嘅印象係好好噃!之後發生嘅事就由佢哋兩個處理,當佢哋有咩決定嘅時候,我做霆鋒代言人囉!我有資格啦!(係咪發生咩事都企喺霆鋒嗰邊?)梗係!我哋一家人嚟o架嘛!」

對於有傳因為栢芝與拉姑反面,所以現時只有霆鋒與四哥可以找到Lucas及Quintus,四哥說:「我都冇搵佢哋(指Lucas與Quintus)!(你好忙?)我都唔知佢哋喺邊。」

四哥提到鋒芝婚變,始終是力撐兒子霆鋒!(資料圖片)