洪卓立（Ken）昨日出席活動，提到將處男下海演古裝劇，他說：「知道要戴頭套，個頭好大所以要減肥！」另外，他表示近日受鄰居裝修影響，被迫早睡早起：「樓上朝朝8、9點就鑽，連公眾假期都照鑽！諗過報警，但怕畀人話巴閉。」Ken又稱鄰居搭的棚架延伸到其廁所窗外：「沖涼時會尷尬。（唔閂窗？）閂！不過好焗，要開門沖，但係呢幾日媽咪過咗嚟住！」
