江若琳自詡口大夠潮

江若琳（Elanne）最近以7位數字酬勞，簽約纖體美容中心任代言人，昨日她穿上紫色Tube Dress拍攝廣告，盡顯收身成果，Elanne指廣告中不用穿比堅尼，只需露腰，故大感舒服。

身形勻稱的Elanne，從106磅減到100磅，她自爆肥肉長於鬼祟位置，如手臂及大腿等，故能成為纖體代言人免費減磅，對她來說乃天大喜訊。

花了很短時間便漸見成效，Elanne感到相當興奮:「唔使出力就可以減肥，好開心！我以前手臂咁粗，又有水腫，做機可以Firm啲！（酬勞好唔好？）梗係好！有7位數字o架！」

寸港姐多是非

提到今屆候選港姐「D Cup GiGi」(3)許亦妮被指與她樣貌甚似，Elanne笑言也有八卦一番：「其實我個口都好大，咁大口係潮流嚟o架嘛!不過我就覺得佢同我唔似樣！（佢好多是非！）港姐年年都好多是非啦!」

另外，Elanne剛與阿牛拍罷合作電影，稍後將出發往廣州，拍攝紀念辛亥革命100周年的新片《浴火鳳凰》，她表示在片中飾演一名畫家，問到其畫功如何？她尷尬地說：「畢加索啲Friend，畫狗似雞！」