碩之禁男友 炮製咖喱雞

趙碩之、中國小姐趙哲妤和鄧穎芝等，昨日以職安健大使身份出席活動。碩之表示作為模特兒，錫住身體與皮膚是相當重要。她自爆曾在家中染髮，意外將染劑滴在胸前：「搞到皮膚敏感，有時夏天着小背心都會有影響。」她表示為了谷胸，黐防走光膠紙亦有危險性：「試過拍戲要谷胸，十幾個鐘仲要有打戲，畀膠紙扯到甩晒皮、流血！」為保肌膚，碩之更拒絕與男友激烈親熱：「如果去到有咖喱雞會打佢，通常呢啲事後先知，我會嬲囉！咁係唔尊重我嘅職業。（試過？）冇，想像得到。」而趙哲妤透露曾為谷胸，導致胸部又痛又瘀：「戴咗好多個Push Up Bra，又紅又損晒，即刻買去疤膏搽，唔敢再黐膠紙，但又唔敢真空，唔Push又怕大家唔收貨。」

碩之（左起）、趙哲妤、羽翹和鄧穎芝出席活動。