Iris孖師妹峰乳同露 險轉性

雙E孖妹「爆E超蓮」Iris和「混血E神」Monna，齊挾E胸出擊寫真界。兩人率先Big爆交「峰」，Iris透露拍寫真期間一度懷疑自己對師妹暗生好感，有「轉性」疑雲！

雙E出擊的「爆E超蓮」Iris（鍾采羲）及「混血E神」Monna（林宜芝），日前身穿純白色比堅尼搶先狂晒Big爆豐胸，兩人自信十足，互讚對方好身形，相比任何寫真對手也毫不輸蝕。

Iris直認拍寫真期間，對師妹暗生好感：「最初好鍾意佢啲皮膚夠白淨，自己上年曬黑到依家都未白得番，之後可能影寫真日對夜對，加上攝影師成日要我哋擺啲好Close嘅甫士，試過突然間覺得好似有啲掛住佢，嚇到我呀！但好在之後冇咗呢啲感覺，相信只係一啲好感嚟啫！」

未有同性追求

Monna雖未有察覺到Iris的轉性疑雲，但她坦言向來多女性朋友，卻從未曾被同性追求過：「真係未試過，我唔知自己接唔接受到，但身邊有啲朋友係同性戀，唔會歧視囉！」雙E孖妹齊齊殺入寫真界，擁有四分一德國血統的Monna，自言身形易肥難瘦，18歲時重130磅的情景仍歷歷在目，幸好今年與Iris互相勉勵減肥，Keep得一副好身材。