陳豪陳茵媺遭拆散鴛鴦

無綫為推銷廣告平台，出動百多位演員撐場，但除了胡杏兒、黃宗澤因有劇在身攞正牌合照外，多位現在及過氣緋聞組合如陳豪、陳茵媺及鄭嘉穎、佘詩曼、周麗淇等無緣碰頭，免搶晒冷騷鏡。

無綫昨日於「天際100」舉行記者會，邀請二百名廣告客戶出席並推銷不同廣告平台，更出動逾百位演員撐場。部分穿着戲服順道宣傳劇集，是日外景拍攝更全部取消。不過，今次活動可謂「棒打鴛鴦」，除了黃宗澤與胡杏兒因有劇在身可「明目張膽」於台上合照外，其他新舊緋聞男女如佘詩曼、鄭嘉穎與周麗淇及陳豪、廖碧兒與陳茵媺等均未有聚頭機會。

嘉穎避過「佘淇」

對於多位一線藝員如陳豪、廖碧兒、汪明荃、林峯及佘詩曼「冇影」，無綫高層樂易玲指陳豪現於巴西拍特輯，林峯到上海電影節宣傳，汪明荃出席人大會議，廖碧兒則被安排到俄羅斯拍特輯。問有否邀請佘詩曼時，樂易玲說：「所有人都有請，唔係個個都度到期o架嘛！」提到無綫小生、花旦好像不夠撐場，她緊張地反問記者：「郭晉安同黎耀祥唔係一線咩？」大合照時，台上第一排有黎耀祥、張可頤、苗僑偉、鄭裕玲等資深演員，其他小生花旦則有馬浚偉、鄭嘉穎、鍾嘉欣、楊怡、馬國明、吳卓羲、徐子珊及陳法拉等。

據知，名單上原本有周麗淇，但有指她昨日才由內地返港趕不及出席，故與「舊愛」鄭嘉穎緣慳一面，對此嘉穎說：「係咩？我唔知喎！（怕咗你唔嚟？）我答唔到囉！（甩難！）冇咁覺得喎！」他又指與對方見面也不感尷尬，早前見面都有打招呼：「呢個係基本禮貌，佢都有打招呼。（係咪藐吓你？）我印象中唔係囉！」

至於心情大靚的陳茵媺亦與陳豪無緣一聚，問到兩人約會是否開心，她甜笑地說：「開心！（印象點？）佢幾Funny又講笑話，好舒服！（值幾多分？）唔可以第一次就畀分數，但印象好好。」現場有人叫早點結婚，她即說：「太誇張，要一步一步嚟！我哋平時好低調，去啲少人地方。（屋企？）咁又唔會，留番畀啲好熟嘅。」

另外，郭晉安於台上心不在焉，問到是否太太入院生B，他笑說：「唔係，預產期係七月頭。」並透露已與無綫續約。