周家蔚為生仔操弗副偈

周家蔚透露男友洪天明已驗血作婚前檢查，她則勤做運動鍛煉身體，為結婚作最好的準備。而將拍新劇《4 In Love》的葉翠翠，將演繹一段「長短腳」之戀，但她坦言現實中未有男友矮過她！

打扮性感的周家蔚，昨日與葉翠翠、劉倩婷和林師傑等出席活動。早前與家人到澳洲旅行的周家蔚，近來因有親戚生病而體會健康的可貴，問到會否與男友洪天明作婚前檢查？她承認：「天明上個月返內地拍戲前，已經捉咗佢去驗血。（檢查埋適唔適合生小朋友？）呢啲順其自然啦！生唔到先要Check，身邊好多人想生都生唔到，但Check咗都係冇事。

翠翠譜長短腳之戀

至於會否一結婚就生小朋友？周家蔚說：「穩定咗落嚟先，唔可以太急，要休養好身體先。」她坦言自己年紀不輕，現在要經常做運動，閒時與朋友行山，準備一個健康的身體。

而即將與佘詩曼及陳豪等合演新劇《4 In Love》的葉翠翠透露，劇中會有一段「長短腳」戀情，男友會比她矮大約四、五吋：「因為身高相差太遠，所以我要成日着住5吋嘅高踭鞋。（接受到男友矮過你？）除非個男仔真係好好啦！我未試過男友矮過我。」她稱會為該劇減肥，因早前肥了五、六磅。