唐寧送奶粉尿片

唐寧與蔡少芬（Ada）同是剛為人母，兩人經常在微博交流湊BB心得，唐寧看過Ada女兒的相片後說：「楚兒肥嘟嘟、好得意。（會送禮物？）睇佢個女需要啲乜嘢，大家都係媽媽最清楚，BB實際需要嘅都係奶粉、尿片咁，衫我就唔贊成送，因為BB大得快，好快唔啱着。（唔擺滿月會約食飯？）依家興擺百日宴，我哋都唔擺滿月啦！食飯都會約，因為趁機出嚟見吓面。」而Ada好友朱茵亦大讚楚兒似足媽咪：「Ada生個女時好辛苦，知佢凌晨五點要起身餵奶，咁真係辛苦，如果到自己生BB都有啲驚，但呢啲嘢隨緣啦！」

唐寧大讚Ada女兒楚兒得意。