(3)許亦妮顧住講是非

15位候選港姐昨日齊集沙田城門河，為無綫龍舟隊打氣。J李天縱抽中做鼓手，可惜風頭不及是非多多的C「D Cup GiGi」許亦妮！

昨日端午節，15位候選港姐身穿Polo恤及熱褲，拉大隊參與《沙田辛卯年龍舟競渡》，個個熱到汗流浹背。是非纏身的(3)「D Cup GiGi」許亦妮甫到埗即成風頭躉，她有備而來連聲否認曾聲稱是內定冠軍及男友識高層一事，並否認獲優待：「我冇戴大眼仔，參選港姐有好多規矩！」對於流出與男士的「密照」，她直認「貼面男」是前度男友：「我哋分咗手年幾。（係佢放料？）冇問，唔會懷疑佢！」問到是否專界有錢仔？她委屈地說：「唔係！我只係平凡女仔，嚟自普通家庭。（覺唔覺自己貪慕虛榮？）唔覺，識人講緣分！」

至於被指對工作人員及佳麗的態度迥異，許亦妮莫名其妙，又聲稱與其他佳麗「個個都好Friend」，並不擔心是非影響選情。此外，她承認識周柏豪：「14歲喺模特兒公司識，只係普通朋友，冇聯絡。同Janice Man就有聯絡，但唔清楚佢感情事！（有傳佢一腳踏幾船？）佢好專一。」

自爆男友做阿Sir

至於被抽中任龍舟鼓手的(10)李天縱（Lena）坦言心情緊張，猶幸曾習舞，故節奏感不錯。面對現場肌肉男如雲，她直認鍾意大隻佬，又自爆有拍拖4年的男友，但不擔心被偷拍：「佢係香港人，喺小學教英文，好支持我參選。」