朱璇、岳華及朱慧敏等昨日出席端午節活動，早前被拍得與影星徐楓的兒子湯珈鋮看演唱會的朱璇表示，他們在09年已相識：「我識佢媽咪先！（拍拖？）要拍一早就拍咗！（避忌？）呢排唔見喇，一世都唔見！講笑咋！都驚令到單身嘅我冇人追同嫁唔出！」朱璇指對方就像哥哥一樣照顧她，令家人身處國外的她感受到家庭溫暖。同場的朱慧敏表示今年想參加無綫的鳳艇隊，做運動之餘又應節。
