Tom@Mr.搵細佬開齋
組合Mr.前晚於新碟簽唱會上首播由成員Tom執導的MV《兩大無猜》，Tom找弟弟杜志輝（Desmond）擔任處男MV男主角，他透露隊員有提供意見：「因為喺學校取景，Alan有提議着校服上陣，但費事抹殺咗Alan嘅英俊啦！」Dash笑言只負責「執嘢」。問到他們心目中MV女主角人選？Dash大膽提議說：「搵唱片公司高層Duncan（黃劍濤）啦！佢成日鼓勵我哋，我哋想鼓勵番佢（女主角喎？）準備個假髮畀佢囉！」他們更笑言要為Duncan創作新歌《頭髮斷了》。
對於7月個唱獲廣告商支持，投資6位數字買下紅隧口廣告位，Dash說：「真係冇諗過，Alan話連毛孔都睇到，會用演出答謝。」此外，在港男參賽者中，有被指貌似Dash的大隻仔參賽者，Dash哈哈大笑說：「幾好呀！我咁奀，有個大隻版。」
Dash（左起）、Tom、Ronny、Alan與MJ擺靚甫士與粉絲合照。
Tom搵弟弟擔任處男MV主角，果然兄弟同心。