「兩公婆一定有拗撬」陳慧琳勸唔好離婚

陳慧琳（Kelly）前晚出席Salvatore Ferragamo及施華洛世奇元素合辦的時裝展。對於近日鋒芝婚變風波，她說：「希望唔好離婚，兩公婆一定有拗撬，好快就冇事！（傳涉及錢銀問題？）但當事人冇出嚟講，唔方便評論，佢哋依家專心拍戲，做好手頭上嘅嘢，都好嘅，佢哋冷靜吓。」Kelly承認也有與老公吵架，但未試過鬧到要離婚，更笑言老公會大方主動氹她。

至於與丈夫會否有婚前協議，Kelly說：「我哋唔興，我哋唔係好有水o架咋！（經濟獨立抑或有錢一齊使？）唔獨立o架！多數男仔大方啲，佢負責交租畀家用，我自己賺錢買花戴，唔使畀家用。（置業聯名？）仲未一齊置業，樓價太高買唔起，就算買多數都係聯名，結果咪又係畀個仔！」她更透露現在不讓兒子上課：「依家有手足口病，唔敢畀佢返住，次次返親都惹病，依家自己教住先，佢識晒啲字母同數字。」

而與太太琦琦到場的任達華坦言，鋒芝是他的偶像及喜歡的演員：「呢啲等佢哋去解決。（傳婚變同錢銀有關？）唔知，唔方便打畀佢哋，我會祝福佢哋，希望冇事。」問到會否過兩招給鋒芝？琦琦笑言對方智慧比她更高，並希望他們繼續做影壇金童玉女。任達華又透露近日忙於包糉，琦琦亦大讚好食，指老公今年首次做住家男人。父親節臨近，任達華已收到女兒繪畫的父親節卡，琦琦則花七位數送了一架名車給他，原來任達華亦送了鑽石給太太，羨煞旁人！