粉絲送巨型生日卡 胡鴻鈞銘記於心
超級巨聲胡鴻鈞（Hubert）最為人熟悉的可能是他與林欣彤及羅孝勇的三角緋聞，但曾奪得《TVB全球華人新秀大賽2010》冠軍的他歌藝非常出眾，故吸引不少粉絲大力支持。每次出席活動都定必有一大班支持者在旁吶喊助威，Hubert出道以來收到不少支持者的禮物，其中一份就是一本自製的紀念冊，他說：「有個粉絲由我一參加比賽就關注我，跟住整咗一本嘢記錄晒由我參賽到依家所有出席嘅活動，有相又有文字。我覺得好犀利，好感動，因為自己都唔會咁好心機記錄自己人生咁重要嘅一個過程。」而另一份同樣令他窩心的禮物就是一塊膊頭高的板，此板並非一般的板，他說：「我有一米七六，塊板到我膊頭即係差唔多一米三。喺係我生日嘅時候班Fans整畀我，上面有成六、七十個Fans寫畀我嘅生日祝福語、心聲、相、同埋簽名。因為上面有一大班Fans嘅心意，所以對我嚟講好重要。」
約70名粉絲製作而成的生日祝福卡差不多到胡鴻鈞的膊頭。
胡鴻鈞展示一本由粉絲製作的紀念冊，記錄了他由出道至今所有出席過的活動。