鄧依玲斬瓜切菜靠眼利

藝人不約而同鍾意玩考反應、考智慧的遊戲App，「E Cup 教主」鄧依玲（阿旦）和港男翟威廉都推介考眼力、考智力的遊戲，最適合閒時消磨時間。阿旦鍾情簡單的遊戲App，Veggie Samurai是她最愛的遊戲之一，考手眼協調，鬥快切蔬果，阿旦笑說：「呢個Game最啱我，好鍾意玩考反應嘅Mini Game，又唔使儲分過關，最好用嚟消磨時間。」此外，身材健碩的威廉最喜歡玩考智慧的App，近排玩《Stupidness 2 Pro》玩上癮，不停挑戰難度，鍛煉腦筋轉數快，他說：「呢個App考你眼明手快，途中只要一失手，過關難度大增，又可以喺Facebook同Twitter Share分數，同朋友鬥高IQ、鬥聰明。」

鄧依玲推介

Veggie Samurai

價錢﹕US $ 0.99

玩法﹕限時內切最多蔬果，既不可以遺漏任何一個蔬果，亦不可以切到毒藥瓶，只有三次機會。

技巧﹕連續同一刀切中多個蔬果會有加分，只要每次可以連續切三至四個蔬果，分數即時雙倍，極考眼力。

翟威廉推介

Stupidness 2 Pro

價錢﹕US $ 0.99

玩法﹕限時內通過所有關卡，依照過關的表現去評估玩者IQ，通過關卡愈多，代表IQ愈高。

技巧﹕只要冷靜、心水清，睇清楚指示，要過關冇問題，但千祈唔好出錯，否則浪費時間，變相Game Over。