江若琳狂搵人仔買豪宅

忙於在內地發展的江若琳（Elanne）回港亦不忘參與探訪活動，昨日與官恩娜到安老院與長者預早慶祝端午節，Elanne說：「細個都有同婆婆包糉，不過包得好核突，同埋端午節一定會肥，因為鍾意食肥豬肉。」此外，她表示即將返內地拍戲及宣傳：「嚟緊同智叔（廖啟智）拍紀念辛亥革命嘅電影，之後籌備首張國語大碟。（搵人民幣好啲？）可以咁講嘅，發展空間大。」她透露每次回港都會四出Shopping兼掃街狂食，至於會否再拍TVB劇？她說：「有搵過，但公司好似冇接，因為冇期。」密密搵真銀的她透露正儲錢買樓：「依家冇乜機會使錢，想買千呎單位。（夠首期？）差不多啦！」

江若琳（右）和官恩娜昨日到安老院探訪。