嘉穎波枱激戰杏兒
最近有傳鄭嘉穎因無綫人工低而大屋搬細房，昨日他接受查小欣訪問時說：「搬去酒店式住宅係想轉換吓環境，同埋方便去內地拍劇。（怕唔怕同林峯一樣畀人影床照？）唔好瞓着囉！（傳無綫畀4千蚊一個騷你，仲10年冇得加人工？）冇可能，人工年年都有加，我唔係傻嘅！」
談及新劇《怒火街頭》，他說：「有場戲講我同胡杏兒由天台錫到落樓下，再喺乒乓波枱上面搞嗰啲嘢！（咁激？）係，係我從影以來最激嘅一次！」對於緋聞女友佘詩曼被指做「小三」，他說：「完全係砌生豬肉！（同你至係真？）佢係一個好好嘅傾偈對象，而且又聰明，所以我成日問佢意見。」
