Jeana喪夾血管胸DaDa慘敗

周秀娜師妹何佩瑜（Jeana）昨日出力谷胸為新片拍海報，不費吹灰之力已撼低同場的「咪神」陳靜（DaDa），但擁有C Cup上圍的她竟嫌身材不夠用，揚言有意隆胸！

周秀娜師妹Jeana、楊愛瑾、DaDa、連詩雅、「萬寧哥哥」沈志明、鄭融與陳柏宇等，昨日為電影《喜愛夜蒲》拍攝宣傳海報，穿上白色小背心的Jeana瞓身谷胸，即使坐定定亦出盡力雙手夾胸，非常出位，令穿低V連身裙的DaDa輸足成條街！

願僭建升Cup

談及撼低「咪神」DaDa，Jeana說：「我着咗兩層背心啫！（戴咗兩個Bra？）唔係，一個啫！只不過係Push Up Bra！（成個警鐘胸咁喎！）係血管胸，皮薄餡靚！（有冇整過？）梗係冇，有贊助都想整，由32C整到34C，比較貪心。（咁夠膽？）講吓啫！睇錢！」問到拍攝期間男拍檔有否吃不消？她即避而不答，僅表示一眾男演員都很有趣。記者再追問男拍檔面對她有否流鼻血或行注目禮，她即撒嬌說：「唔知呀！佢哋戴住黑超，都唔知望咩！」

至於「大輸家」DaDa自言已盡力，問到會否像Jeana般有意隆胸，她說：「出道嗰時都有人話我整過，我仲驗過，其實我夠用，以前唔鍾意，依家覺得對做嘢有幫助，有必要先拎出嚟，張相都出大啲啦！夏天就要性感啲，雖然我未接過內衣騷同泳衣騷，但都唔抗拒嘅。（係咪多啲錢？）都係睇咩品牌，等公司安排，我冇咩所謂。」

文：影視組