栢芝Fans Baby 錄歌興合合
向來視張栢芝為偶像的Angelababy，早前返港為新片錄歌，雖然當日抱恙，但仍撐到底：「喺北京拍咗好耐戲，習慣咗當地乾燥嘅天氣，返嚟香港就水土不服而發燒，燒咗幾日。」一臉疲態的她埋位時顯得頗精神，反覆練習培養情緒，歌癮發作的她有意推出單曲唱片。
此外，Baby透露為《全球熱戀》錄製的是慘情歌，在片中飾演性格惡死的大明星。談到親熱戲時，她指今次比上集的「蜻蜓點水」更多，坦言拍攝時感到尷尬，因為當時巧遇內地記者探班，被很多人圍觀。她自言沒有足夠拍攝親嘴戲的經驗，導演夏永康（Wing Shya）嫌她表情僵硬要重錫，還遭夏永康整蠱，要她錫足三次：「第一Take唔得之後，佢有教我，第二Take時佢已經收貨，擰轉面話可以，但又話嚟多個，最後其實佢係要第二Take嘅！哈哈！可能係男對手畀咗錢阿Wing。」
抱恙的Baby錄慘情歌時，七情上面。
Baby一臉病容，落力Chok樣擺甫士。
Baby與桂綸鎂、陳奕迅及郭富城合演《全球熱戀》，Baby有份唱電影歌曲。（資料圖片）
Baby返港為電影錄歌，心郁郁出碟。