婷婷：最緊要佢哋開心！
謝婷婷昨日出席活動時，被問到哥哥謝霆鋒和嫂嫂張栢芝婚變的傳聞，她坦言有聽過，問到信不信兩人離婚？她說：「我唔問呢啲嘢。（有冇打畀哥哥？）冇問哥哥，平時都唔會做呢啲。（唔關心哥哥？）我唔係唔關心，而係如果佢覺得我夠成熟、明白佢嘅話，佢會打畀我，我等緊佢主動打嚟。（有傳栢芝攞霆鋒啲錢同物業？）錢呢一方面我唔係好清楚！（栢芝拎個仔做籌碼？）其實霆鋒已經大個仔，今年仲畀我發現佢成熟咗好多，我都等佢成熟好耐，佢咁成熟會搞得掂，就算真係有或者冇，佢都識處理。（小朋友好無辜？）我見佢哋平時玩得好開心、好幸福！」不過，婷婷表示已有近一個月沒有見過Lucas和Quintus，她亦不知鋒芝是否分居，但認為無論兩人復合或分開，最重要是開心，她說：「最緊要佢哋開心就得！呢個世界有太多事發生，要珍惜每一分鐘。」
婷婷談到鋒芝婚變，收起笑容，一臉認真！
婷婷出席化妝品牌活動，性感演繹產品。