趙彤晒命恨減桃花

台模趙彤近年來港發展，她笑言因廣東話發音不標準，經常發生爆粗事件。對於經常與富二代傳緋聞，她自認多人追，但揚言吃不消，想減少桃花。

擁有33D豐滿身材的台模趙彤，最近首次拍攝香港電視劇《親密損友》，為了拍劇，趙彤積極學廣東話，還笑說：「以前講咗好多粗口都唔知，依家差唔多拍完呢套劇，廣東話都好好多。」劇中趙彤飾演外國回流的23歲女子，她說：「雖然個角色講廣東話都唔太正，但廣東話嘅助語詞好難用，有時真係要死記。」電影方面，趙彤於舞台劇改編的新片《潮性辦公室》中飾演大公司的CEO，「升呢」做陳靜（DaDa）及莊思敏的上司，角色性格強硬，她說：「我份人太女性化、唔夠威嚴，所以特登參考身邊嘅CEO，發現佢哋通常都好有架勢！」

最愛進取型

趙彤來港掘金，經常與城中「富二代」傳緋聞，她自認一向桃花旺，但擇偶條件最緊要另一半上進：「我嘅理想另一半最緊要有目標、做事有計劃，唔一定好有錢，但要有安全感。我經常中港兩邊飛，時間唔穩定，好難培養感情。」她又自爆多人追：「之前因為太多人追，搞到要打電話去風水師度求救，希望可以減少啲桃花。」

文：專案組