王晶詹瑞文合作搞鹹濕
電影「橋王」王晶最近與舞台劇鬼才詹瑞文合作新片《潮性辦公室》，誓要炮製出一部既鹹濕又搞笑的港產片！身兼導演及主角的阿詹，被問到戲中哪位女演員事業心最強，他笑說：「你講邊啲？陳靜、趙彤、莊思敏同呂慧儀個個都好強，而我同趙彤最多對手戲，起初我都擔心唔知邊個演佢個角色，但晶哥係電影風水大師，佢選角認真一流！」
王晶則鍾情另一女演員，他說：「雖然趙彤對性題材唔扭擰，表現唔錯，但最大驚喜係蝦頭（楊詩敏），佢嘅戲劇知識係吳君如所冇，同時又有苑瓊丹嗰份搏殺！（對票房有信心？）《3D肉蒲團》都幾搞笑o架！不過唔好笑咁解，《潮性》咁好口碑，舞台劇版已經積累咗6、7萬人睇過，呢班人入場，票房已經有400萬打底！」
王晶（右）與詹瑞文對既鹹濕又搞笑的《潮性辦公室》電影版信心十足。