曾任「美味天使」的陳蕊蕊，最近已成功轉型為歌手，並為無綫J2台節目《安樂窩》擔任嘉賓，與主持狄易達及港姐張秀文走訪多個特色單位，從中得到不少睇樓及家居等心得。
居於6百呎單位的蕊蕊坦言地方不夠用，無奈近年樓價高企，只好暫時租住細單位：「我有太多衫同鞋，一間房都唔夠擺，所以想租過另一個千呎村屋，希望夠地方用。（住村屋唔怕唔安全？）都驚o架！所以搵達仔（狄易達）搵筍盤，物色一啲較近巿區嘅村屋，佢主持呢個節目，有好多呢類資料！」
陳蕊蕊（中）最近與張秀文及狄易達主持節目，學懂不少睇樓知識。
