李思欣學焗蛋糕箍實男友

無綫女藝員李思欣去年底與DJ范振鋒（Ricky）邂逅後火速撻着，適逢Ricky本月生日，思欣決定親手炮製蛋糕增添情趣，更想好送上甚麼愛的禮物！

常言道「要箍住男人心，先箍住他的胃」，自認廚藝一般的李思欣決定「大變身」學入廚，日前她先來個熱身第一擊，到蛋糕店學整芝士蛋糕，準備為本月生日的男友Ricky送上驚喜！

煮飯仔添情趣

由於思欣經驗不多，負責人Angela安排她學習製法較簡單的美式芝士蛋糕，而思欣亦「不負眾望」，每個Step都處理得妥妥當當，絕無雞手鴨腳，更細心地在蛋糕面鋪上士多啤梨，她說：「我覺得親手整嘢食最緊要係心意，好似特別好味咁，呢日學整蛋糕好好玩呀！」望着製成品的思欣，得戚地表示Ricky必定滿意！問到如何為男友慶祝生日，她表示已想好禮物及節目，但要先賣關子：「禮物係實用嘅，平日我會留意佢需要啲咩，佢冇得話唔鍾意！」

自認傳統的她認為，入廚主要由女士負責，男士間中煮幾味則會加分，問到與Ricky曾否齊齊玩煮飯仔？她說：「未試過，但都係情趣嚟嘅，嘢食水準係其次。」雖然處於熱戀期，但她強調不會忽略工作，除接拍飲食廣告外，月中還會到湖南出席幫助貧童的慈善活動，善心爆棚！