Alina Ice Elke胸擒男星

模組合冬甩加入三名新女搶客，賣點不同，擇偶條件亦各有所好，唔怕爭仔！擁有豐滿上圍的Alina最冧才子周杰倫；Ice愛靚仔吳彥祖；Elke則情傾其貌不揚的盧廣仲！

以Rainbow為首的冬甩今年將與師妹組合Fantasy繼續推出寫真，為加強新鮮感毅然進行大換血，加入三位新人包括「E Cup官恩娜」Alina（何綽菲）、Ice（周梓盈）及Elke Tan（陳芷敏），三女各有優點，勢要榨乾宅男荷包！

身為宅男新寵的她們提到心儀男士類型，即滔滔不絕，Alina表示喜歡異性有才華兼識講笑氹她開心：「最好就似周杰倫，佢識彈琴唱歌拍戲，多才多藝，好希望可以同佢合作！」至於細細粒的Ice原來最愛大隻男，讓自己可變成小鳥依人：「佢哋出汗嗰時好有男人味又性感，唔覺咩？（偶像？）吳彥祖！有Model身材又靚仔。」相反斯文的Elke則愛文靜乖仔，外表反而是其次，她說：「鍾意盧廣仲，覺得好似佢咁傻更更唱歌畀我聽，已經好Sweet！」

Alina唔識死約網友

提到入行經過，擁有34E豐滿上圍的Alina早於15歲已開始接觸Model工作，因在網上認識一名攝影師獲邀拍照，她亦大膽赴會，認真不怕危險！其後因要返學而「休戰」，至畢業後才決定做全職Model。Ice則是由朋友邀請開始：「有朋友買咗新相機，搵我嚟試機，跟住我放相上網，就不斷有人搵我接Job喇！」