內地新進o靚模常樂（Anna）今年加入冬甩所屬模特兒公司，成為冬甩師妹。剛完成學業的她將主力投入模特兒工作，她擁有維吾爾族血統，特徵是眼窩深及鼻尖，輪廓分明的她自小已愛拍照：「細細個已經有拍過平面廣告，嗰時面圓眼大，好似個公仔。」她又表示經常被讚貌似內地女星范冰冰及周迅。
Anna目前在港與朋友同住，慶幸內地的父母經常來港探望：「佢哋一個月嚟一次，最初唔係好贊成我做模特兒，最後畀我嘅堅持打動！」她表示與同樣來自內地的師姐Caroline（朱裕琳）最好傾，同聲同氣！
曾被讚生得似范冰冰的常樂，隻身來港發展。
