Jeana飛車震到漏奶

早前明寸師姐周秀娜為「前浪」的「血管胸」Jeana，再寸同公司的Hidy寫真滯銷！她更自爆玩過車震！

將於下月推出在塞班島取景的寫真的Jeana（何佩瑜），其中一個造型是坐在車頭前，大擺誘惑甫士，盡展其33C巨「峰」身形，她笑說：「擺甫士擺到架車搖吓搖吓，個個笑我係『車震女孩』！（試過玩車震？）有，仲係3P車震，又係玩到漏晒奶！有次同兩個朋友一齊遊車河，車速快到連我飲緊盒奶都漏埋出嚟！」對於Hidy（余曉彤）也推出寫真，Jeana暗寸：「有時間咪買Hidy嗰本嚟揭吓囉！唔使急喎，一定買到o架！總之祝佢長賣長有！」

補腰擺甫士

另外，早前於天靈島取景拍寫真的Hidy，在樹屋爬上爬落擺甫士，並且擺明車馬視玩「車震」的Jeana為對手，她笑說：「擒高擒低靠腰力，我已經飲定晒啲補腰湯，就算有人玩到騰騰震都唔怕！（Jeana暗寸你本書滯銷？）佢驚冇時間，我送定本畀佢囉！我只係怕到時佢想要都未必有！」