圈中不少夫婦曾經歷婚變危機，包括江華與麥潔文，幸而最後雨過天青，感情更勝從前。麥潔文以過來人身份忠告鋒芝要互相體諒：「有時要犧牲吓！好似老公做嘢，我就犧牲工作陪佢，雖然兩份收入變一份，但我覺得值得。」當年麥潔文出現婚姻危機，但從沒說過離婚：「唔應該衝動講離婚，我都戥霆鋒心痛，栢芝其實都好聰明，唔信佢為錢，希望佢哋唔好離婚，建立一個家庭唔容易，要為小朋友諗吓。」
麥潔文與江華靠互相體諒戰勝婚變危機。（資料圖片）
