袁詠儀「衫」招維繫夫妻情
結婚多年的袁詠儀（靚靚）昨日與節目主持人金剛出席愛心活動示範包糉。對於鋒芝「婚變」，靚靚坦言希望是假：「冇事嘅，兩公婆嗌吓交啫！每對夫婦都係咁o架啦！特別係有咗小朋友，爭拗一定多咗。（同老公聚少離多影響感情？）呢行係咁，都冇辦法！（如果離婚小朋友會好慘？）唔會，但作為父母應該諗清楚呢啲嘢。」
靚靚還表示與張智霖一向財政獨立，笑言因為喜歡購物，買衫不用向老公攞錢：「不過如果置業當然會商量，我唔要求老公畀晒啲錢我，怕會使晒！依家食佢住佢嘅，得閒買兩件衫氹吓佢咪得囉！一對夫婦唔應該收埋啲嘢，我哋有問題嘅話會兩日內解決，最重要係溝通。」
袁詠儀出席活動即場包糉，與參加者打成一片。