嘉欣懂得遷就恩愛到暈

謝霆鋒與張栢芝的「婚變」消息鬧得熱烘烘，同樣有家室的「大美人」李嘉欣坦言與老公許晉亨的關係不建立在錢銀上，還踢爆老公百般遷就！

剛榮升母親的李嘉欣昨日身穿低胸吊帶裙，出席Inakaya田舍家爐端燒餐廳及Hive Bar 101開幕禮，造型十分養眼。提到鋒芝「婚變」熱話，她表示亦有留意報道，但沒有資格評論別人的家事及婚姻。

對於有傳鋒芝有婚前協議，嘉欣表示對自己婚前婚後的財政狀況甚感滿意：「我有自己事業。（財政獨立？）大家唔會特別計較，有共同目標，我哋都冇乜點講呢個話題。」記者問到安全感的多與少是否來自資產？她坦言不能用此來建立：「安全感係自己建立，想安全感多啲咪努力，但我嘅安全感係來自內在信心，欣賞同肯定自己，同物質無關！」

靠兒子陣味「止痕」

期間，嘉欣繼續晒幸福，自爆很少與亨亨吵架，因彼此懂得遷就：「人與人嘅相處絕對係一門學問，但我承認老公遷就我多啲！」並透露與亨亨剛從東京返港，原來事前因不捨得愛兒Jayden而多次拒絕旅行，但最終被老公不斷懇求才答應：「想我可以出去Relax吓，雖然唔捨得囝囝，但真係玩得好開心，係值得！（二人去三人返？）唔會啩！遲啲就唔知！」她又表示稍後會到上海工作，屆時會將兒子的衣服放在密實袋內：「掛住Jayden時咪攞出嚟聞吓佢陣味囉！」